世界杯小组赛最佳“慌得一逼”11人...

世界杯小组赛最佳“慌得一逼”11人...

世界杯小组赛第一轮小组赛战罢,冷门频出,唔少球星发挥不佳,特别係球王美斯,因为射失12码惨被各界球迷媒体调侃,慌得一逼图被广泛流传,下面小编就第一轮嘅比赛选出最慌得一逼阵容,俾大家娱乐娱乐。

门将:迪基亚

迪基亚呢个入选非常唔容易,因为佢要击败嘅就係日本门将川岛永嗣,虽然川岛嘅失球略显核特,但鉴于昆特路任意球颇具创意,而川岛视线受阻,小编暂且放过佢一马,至于迪基亚怒失3球,其中一波简直化身为西班牙刘殿座,门前脱手造就C朗帽子戏法,赛前仲话研究好C朗,真係打面来得太快就像龙卷风。
中坚:乌迪迪

本来係一场波澜不见嘅比赛,因为乌迪迪嘅战斧劈扣令到天台上面又多咗一群人,佢嘅手球姿势分十足,身旁嘅华拉尼同罗里士睇到O晒嘴,乌迪迪呢次真係出人头地啦。

中坚:基尔获加

本来获加就係唔踢中后卫,但係喺修夫基嘅快乐足球理念里面,获加竟然踢三中卫嘅右中卫位置,只见获加大手一挥,送比突尼斯一个点球,差D就葬送英格兰嘅大好局面,幸好佢嘅热刺前队友夏利卡尼绝杀,唔係获加真係成罪人,赛后里奥点评呢个点球犹如犯罪一般。

左闸:金敃友

金敃友临危受命替补受伤嘅朴柱昊上场,本以为可以充当奇兵,点知自己一下鲁莽放铲送俾瑞典队一个点球,呢个点球葬送晒韩国队全场嘅努力,葬送咗白面门神赵贤祐嘅超神发挥,要知道成场波瑞典嘅威胁攻势寥寥无几,就係呢个点球打破场上嘅平衡。

右闸:基美治

德国翻车,源于被墨西哥嘅反击打爆,其中基美治镇守嘅右路难辞其咎,对面墨西哥入波基美治跑得仲慢过裁判,最后回防嘅竟然係成日被批评防守唔积极嘅奥斯尔,鸡哥再係咁踢就要翻德国啦!

中场中:卡路士山齐士

开场2分钟就送红点套餐俾日本队,只能讲佢当时真係头脑发热,即使呢波唔用手就俾个波入,球队都仲有90分钟嘅时间去追,然而红牌罚下,打少一人,全场被动,连翻盘嘅希望都冇,山齐士你下次真係要醒目D啦。

中场中:基迪拿

作为拿夫最重用嘅中场基迪拿呢场波发挥真係唔掂,作为中场第一道屏障佢冇好好做好拦截嘅工作,被墨西哥前场三人组屡屡得到直接面对保定同候姆斯机会,如果唔係对面射门欠缺准星,分分钟打出惨案。

左边锋:迪马利亚

係大家印象中,迪马利亚係一个速度奇快,传中准确,过人如麻嘅边锋,但係喺冰岛嘅重重防守之下彻底迷失,全场比赛0射门0过人,小将美沙表现仲抢眼过佢。

中锋:米历

如果利云度夫斯基係波兰队嘅勒邦占士,咁米历就係波兰队嘅JR史密夫,踢咗73分钟,只有55%嘅传球成功率,22脚传球有10脚係交比对方或者传出界,拍住咁嘅队友,利云度夫斯基想入波都难啦..

右边锋:美斯

慌得一比代言人,点球射失,跑动距离除门将外差唔多係最少果个,作为球王美斯真係冇摞出球王嘅表现,相比起C朗嘅队友,美斯身边嘅帮手起码个个都係身价不菲,今晚踢克罗地亚,希望梅球王搵翻状态啦,唔係天台越来越多人噶啦。

主教练:拿夫

能够将德国战车开翻,拿夫最近真係头都大埋,落后嘅时候换上一堆攻击手依然冇办法打开局面,最后0比1不敌墨西哥,加上卫冕冠军同小组赛第二战非平即负嘅魔咒,德国队真係头都大埋啊。


发表评论: